BDU- da "Əbədi qəhrəmanlar" adlı tədbir keçirilib

Bölmə: Sosial › ,
Tarix: 20:22 07.11.2024

Bu gün Bakı Dövlət Universitetində Zəfər günü ilə bağlı "Əbədi qəhrəmanlar" adlı tədbir keçirilib.
Tədbir Azərbaycan Respublikasının dövlət himni ilə başladılıb. Şəhidlərin ruhu bir dəqiqəlik sükutla yad edilib.
İlk olaraq BDU- nun rektoru Elçin Babayev çıxış edərək 8 noyabr gününün bizə tariximizin qüdrətli səhifələrini xatırlatdığını bildirib. E.Babayev Allahdan şəhidlərimizə rəhmət, qazilərimizə şəfa diləyərək Zəfər günümüzü təbrik edib.
Daha sonra Üsküdar Universitetinin rektoru Nacife Güngör çıxış edib. O, can Azərbaycanla bir araya gəldiyindən məmnunluğunu ifadə edərək, duyğulandığını dilə gətirib. Qardaşlığımızın əbədi olmasını arzulayıb.
Tədbirdə "Zəfər" Şəhid Ailələrinə Dəstək İctimai Birliyinin sədri Sevinc Orucova, BDU ümumi dilçilik kafedrasının akademik müdiri Nizami Cəfərov, vətən müharibəsi şəhidi BDU sosial elmlər və psixologiya fakültəsinin şəhid məzunu Ataməli Musaoğlunun anası Leyla Musayeva, şəhid palkovnik leytinant Nail Orucovun həyat yoldaşı BDU fakültəsinin 2- ci kurs tələbəsi Nigar Ağamalıyeva, BDU informasiya və sənəd menecmenti fakültəsinin dekanı Ələmdar Cabbarlı və Vətən müharibəsinin iştirakçısı qazi Musa Abbasov iştirak ediblər.
Tədbir bədii hissə ilə davam edib. BDU- nun tələbələri Zəfər gününə aid hazırladıqları çıxışlarını təqdim ediblər.
Tədbirin sonunda xatirə şəkli çəkilib.

Banuçiçək Kalbalıyeva
Aytac Kərimova