Gənclərin Fərdi Layihələri üzrə Qrant Müsabiqəsi uğurla başa çatıb-FOTO

Bölmə: Sosial › ,
Tarix: 00:18 08.11.2024

Azərbaycan Respublikasının Gənclər Fondunun “İdeyanı Reallaşdır 2023” Gənclərin Fərdi Layihələri üzrə Qrant Müsabiqəsi çərçivəsində “Digital Learn” layihəsi uğurla başa çatıb.

 

İnformator.az xəbər verir ki, iki ay müddətində davam edən layihədə Gəncə, Quba və Mingəçevirdən olan 50-dən çox gənc təlimlərdə iştirak edib.

 

Təlim ərzində gənclər, rəqəmsal öyrənmənin əsasları, onlayn təhsil platformaları və resurslarının araşdırılması, onlayn kitabxanalar, ənənəvi və rəqəmsal tədris metodlarının inteqrasiyası mövzuları üzrə bacarıqları mənimsəyib.

 

Belə ki, "Digital Learn" layihəsinin əsas məqsədi gənclərin rəqəmsal öyrənmə metodlarına yiyələnmələri, onların beynəlxalq təcrübə və biliklərə çıxışlarını təmin etmək, onlayn kitabxanaların və öyrənmə platformaları haqqında ətraflı məlumat vermək olub.