Bakı bulvarında tapılan balina maketi insanlarda maraq yaradıb

Bölmə: Sosial › ,
Tarix: 16:19 11.11.2024

Bakı bulvarında tapılan balina maketi insanlarda böyük maraq yaradaraq onları qəribə sual qarşısında qoyub.

 

Mövzu ilə əlaqədar ətraf mühütin qorunması üzrə ekspert Rövşən Abbasov "informator.az"a açıqlamasında bildirib ki, Bakıdan əvvəl də bu hadisənin dünyanın bir çox şəhərlərində təkrarlandığını nəzərə alsaq, bunun bir sosial mesaj olduğu deyə bilərik. 

 

Bəs belə bir sual ortaya çıxır ki, insanları çaşdırmaq yolu ilə bu mesajı vermək doğrudurmu ?

 

Ekspertin sözlərinə görə, bu prosesin məqsədindən aslı olmayaraq doğru bir iş deyil:

 

"Bu işin ən böyük rolu insanların diqqətini ekoloji problemlərə cəlb etməkdir. Təşkilatçıların ictimaiyyətin diqqətini ətraf mühütə, okean canlılarının müdafiəsinə və onun problemlərinə yönəltmək istəkləri onların gözlənilməz bir yol seçmələrinə səbəb olub.

Bu da öz növbəsində etik deyil. Bu işi həyata keçirmək üçün daha mütərəqqi yollar seçmək olardı",-deyə o əlavə edib.

 

Ekspert bir neçə gün əvvəl dənizdə üzən balina maketini bu hadisə ilə əlaqələndirib:

 

“Hətta bir neçə gün bundan qabaq bu balina maketinin dənizdə üzdüyü ilə bağlı görüntülər paylaşılıb. Təbii ki, insanlar bunun fotomontaj olduğunu nəzərə alaraq buna inanmadılar. Amma görünür ki, bu maket vasitəsi ilə bu prosesi həyata keçiriblər. Əlbəttə ki, bu qədər insanı çaşdırmaq, insanları sual qarşısında qoymaq təqdir olunmur. Belə hallarda cəmiyyətində reaksiyasın nəzərə almaq lazımdır”,-deyə o, fikirlərini yekunlaşdırıb. 

 

Mahmud Əskərli