Miqren yaşa görə ayrı-seçkilik etmir
Bölmə: Sosial ›
,
Tarix: 12:31 12.11.2024
Nevrologiya mütəxəssisi Dr. Gamze Eroğlu Arığ uşaqlarda miqren ağrılarına diqqət çəkərək xəstəliyin diaqnozu və müalicəsi ilə bağlı bilinməyənləri açıqlayıb.
Yetkin bir xəstəlik olaraq bilinən miqren əslində yaşından asılı olmayaraq hər bir fərdin gündəlik həyatına mənfi təsir göstərə bilər. Uşaqları miqrendən əziyyət çəkən ailələr xəstəliyi yaxşı bilməli və müşahidəçi olmalıdırlar. Uşağın baş ağrısı şikayətləri başladığı zaman lazımi məlumatları qeyd etmək, ağrı prosesini müşahidə etmək və müalicə prosesində uşağın yanında olmaq böyük əhəmiyyət kəsb edir.
Miqren hücumlarla meydana gələn və ürəkbulanma, qusma, baş ağrısı, başgicəllənmə, görmə pozğunluğu, işığa və səsə qarşı həssaslığın artması kimi simptomlarla inkişaf edən bir xəstəlikdir. Səbəbi bilinməyən miqren ağrısı beyin damarlarında və sinir keçirici sistemdə kimyəvi dəyişikliklərlə baş verir.
Miqren valideynlərdən uşaqlarına genetik olaraq keçə bilən bir xəstəlikdir. Uşaqlarda yaranan stress və narahatlıq pozğunluqları da birbaşa miqrenə səbəb ola bilər. Ən böyük simptomlardan biri olan baş ağrısı, kiçik yaşlı uşaqların məktəbdəki, ev tapşırığı və fəaliyyətdəki performansına təsir edərək həyat keyfiyyətini azalda bilər.
Miqren baş ağrılarının uşaqların 3-10 faizinə təsir etdiyi bilinir. Məktəb yaşına qədər oğlan və qızlarda bərabər görülən miqren xəstəliyi qızlarda yeniyetməlik çağına çatdıqca iki dəfə tez-tez baş verməyə başlayır.
7 yaşından kiçik uşaqlar ümumiyyətlə fikirlərini ifadə etməkdə çətinlik çəkdikləri üçün valideynlərin xəstəliyi fərq etməsi çətin ola bilər. Uşaq özünü pis hiss edirsə, sevdiyi şeyləri yemirsə, başı ağrıyır deyirsə, ailə həkimə müraciət etməlidir. Ağrının xüsusiyyətlərini araşdırmaq, fiziki və nevroloji müayinə aparmaq, lazım gəldikdə MRT və KT kimi görüntüləmə üsullarından istifadə edərək ağrının mümkün səbəblərini araşdırmaq lazımdır.
Miqren xəstələrinin istehlak etdiyi qidalar və içkilər ani hücumlara səbəb ola bilər. Uşağı şokolad, kola kimi qidalardan uzaq tutmaq miqren üçün əhəmiyyətlidir.
Həkimin tövsiyə etdiyi müalicə növünə riayət etmək və onun tövsiyə etdiyi dərmanlardan istifadə etmək xəstəliyin təsirini azalda bilər. Miqrenə səbəb olan faktorlardan uzaq durmaq son dərəcə vacibdir. Yüksək səslə musiqi dinləmək, kompüterdə uzun müddət qalmaq ağrıları artıran amillərdəndir. Uşaq stresdən uzaq durarsa və mütəmadi olaraq idman etməyə diqqət edərsə, miqren tutmalarının qarşısını almaq olar.
Mənbə: Pembe Nar
Asiya Zeynallı
