Güzəştli kartlar - Tələbələr və müəllimlərin həyatında nə kimi rol oynayacaq ?

Bölmə: Sosial › ,
Tarix: 14:22 12.11.2024

Bildiyimiz kimi, Elm və Təhsil Nazirliyinin tabeliyində olan, Təhsil inkişaf fondundan son vaxtlar müəyyən yeniliklər olacaq. Bu yeniliklər həm şagirdlərə , həm də müəllimlərə, ümumiyyətlə, təhsil işçilərinə yönəlib. Tələbələr üçün təklif olunan və hazırda tələbələrin istifadəsində olan, təhsil güzəştli kartı təhsil işçiləri üçün də, artıq istifadəyə veriləcəyi gözlənilir.

 

Bəs, müəllimlər üçün hansı güzəştlər gözlənilir? 

 

Məsələ ilə bağlı Təhsil eksperti Adil Vəliyev "İnformator.az"a açıqlamasında bildirib ki, tələbələr üçün nəzərdə, tutulan güzəştlər eyni ilə, müəllimlər üçündə, nəzərdə tutulur:

 

"Bundan əlavə, tələbələrin demək olar ki, müəllimləri qədər, ümumiyyətlə, təhsil işçiləri qədər qayğısı yoxdur. Tələbələr daha çox muzeylərdə və yaxud da, hər hansısa bir kafe, restoran, bir istirahət mərkəzində, bu, kartdan istifadə edə bilər. Təhsil işçilərində isə fərqli ola bilər".

 

Ekspertin sözlərinə görə, bu kartları müəllimlərin daha çox istifadə etdikləri istiqamətlərə yönəltmək olar:

 

" İctimai nəqliyyatda da, istirahətləri üçün müəyyən istirahət mərkəzləri ilə danışıb, həmin yerlərdə, ödənişsiz və yaxud da müəyyən güzəştlər vasitəsilə istirahət etmələri ola bilər."

 

Nigar Səmədli