Azərbaycan futbolunda hakimlərin səhvləri-VAR sistemi nəyi dəyişir?

Bölmə: İdman › ,
Tarix: 20:01 22.11.2024

"VAR (Video Assistant Referee) sistemi mövcud olmadığı halda, müəyyən səhvlərə dözümlü yanaşmaq mümkün ola bilər. Lakin müasir dövrdə VAR sistemi ilə böyük səhvlərə yol verilirsə, bu, hakimliklə bağlı ciddi problemlərin olduğunu göstərir".

 

Bu sözləri "informator.az"a açıqlamasında futbol eksperti Ceyhun Sultanov söyləyib. Ekspert yerli çempionatlarda hakim qərarlarının ədalətli olub-olmamasından da bəhs edib:

 

"Hakimlərin ədalətli olması futbolun əsas prinsiplərindən biridir. Çempionatımızda ədalətsiz hakimlərin olması ehtimalı azdır. Lakin edilən səhvlər bəzən ictimaiyyət tərəfindən yanlış qəbul edilir və bu da ədalət prinsiplərinin pozulması kimi görünür. Əslində, hər bir sahədə olduğu kimi, hakimlikdə də səhvlərin olması qaçılmazdır və bu səhvlər komandalara, eləcə də oyunun nəticələrinə təsir göstərə bilər. Bu gün hakimlərə təzyiq olduğunu və ya çox rahat olduqlarını demək düzgün olmazdı. Çünki təzyiq olsaydı, tamamilə fərqli olardı. Bundan əlavə, cərimə olmasıda böyük önəmiyyət daşıyır. Cərimi olmayanda, hakimə sərbəstlik veriləndə, istər-istərməz səhvlər də çox olacaq. Yəni bu gün hakim səhvləri çox qabardılır. Lakin VAR sisteminin mövcud olması səhvləri minimuma endirir".

 

Fatimə Abdulrəhimli