Gürcüstanda yeni prezident and içdi

Bölmə: Dünya › ,
Tarix: 23:38 29.12.2024

Mixeil Kavelashvili parlamentdə and içərək vəzifəsinin icrasına başladı.

 

Gürcüstanda yeni seçki sisteminə keçidlə hakim Gürcü Arzusu Partiyasının dəstəyi ilə prezident seçilən keçmiş "Manchester City" futbolçusu Mixeil Kavelashvili and içərək vəzifəsinin icrasına başladı.

 

Andiçmə mərasimi paytaxt Tbilisidə genişmiqyaslı etiraz aksiyaları ilə müşayiət olundu. Ölkəni konstitusiya böhranı astanasına gətirən qərar isə, vəzifə müddəti başa çatan Prezident Salome Zurabişvilinin vəzifəsini tərk etməkdən imtina etməsi oldu.

 

Etirazçılara müraciət edən Zurabişvili, prezident sarayını tərk etsə belə, yeni vəzifəyə gələn Kavelashvilinin "legitim olmadığını" bildirdi. Hökumət isə Zurabişvilinin vəzifəsini tərk etməməsinin cinayət xarakteri daşıdığı fikrindədir.

Mənbə:BBC News 
Nigar Həsənzadə