Neymar Braziliyadakı Santos klubuna qayıdır

Bölmə: İdman › ,
Tarix: 17:34 01.02.2025

Bir neçə günlük şayiələrdən sonra Neymar Jr. sosial şəbəkələrdə “Santos” klubuna geri qayıtdığını elan etdi və 30 iyun tarixinə qədər müqavilə imzaladı. O, 2026 Dünya Kuboku öncəsi formasını bərpa etməyi hədəfləyir.

 

32 yaşlı hücumçu yalnız yetişdiyi klubun ona ehtiyacı olan dəstəyi verə biləcəyini bildirib. Onun qayıdışı, “Əl-Hilal” klubu ilə müqaviləsinin ləğvindən sonra baş verib. Neymar Səudiyyə klubunda cəmi 7 oyun keçirib və 1 qol vurub, lakin ciddi zədə alıb.

 

Braziliya klubu bu xəbəri sosial şəbəkələrdə “xoş gəldin” mesajı ilə qarşılayıb. Neymar təxminən 12 il əvvəl “Santos”dan ayrılaraq “Barcelona”ya keçmişdi. İndi isə karyerasını onu yetişdirən Braziliya futbol səhnəsində yenidən canlandırmaq istəyir.

 

Mənbə: Titan Sports

Aytac Mustafayeva