Ermənistanda sabitliyi pozan bütün təhdidlər zərərsizləşdirilib

Bölmə: Dünya › ,
Tarix: 20:04 30.06.2025

Ermənistanda din xadimlərinin həbsi fonunda baş nazir Nikol Paşinyan ölkədə sabitliyi poza biləcək bütün təhlükəsizlik təhdidlərinin zərərsizləşdirildiyini bəyan edib.

 

Bu fikirləri o, Milli Təhlükəsizlik Xidmətinin əməkdaşları ilə görüşü zamanı, qurumun yeni direktoru Andranik Simonyanı təqdim edərkən səsləndirib.

 

“Ermənistanda sabitliyi poza və təhlükəsizlik təhdidi yarada biləcək bütün çağırışlar artıq uğurla zərərsizləşdirilib”, – deyə Paşinyan bildirib.

 

Baş nazir əlavə edib ki, ölkənin üzləşdiyi çağırışlar hibrid xarakter daşıyır və bu təhdidlər terrorizm, konstitusiya quruluşunun pozulması və casusluq elementlərini ehtiva edir.

 

Mənbə: Caliber 

Aytən Ağazadə