Kanal 4 Qəzza sənədli filmini yayımlayacaq

Bölmə: Dünya › ,
Tarix: 20:13 30.06.2025

 

İngiltərənin Channel 4 televiziyası, BBC tərəfindən yayımlanması rədd edilən Qəzza mövzusunda sənədli filmi tamaşaçılara təqdim edəcəyini açıqlayıb.

Rəsmi açıqlamada bildirilir ki, “Qəzza: Həkimlər Hücum Altında” adlı sənədli film müstəqil hekayəçilik yanaşması və ictimai maraqlara cavab verən cəsarətli jurnalistikası ilə fərqlənir. Kanal 4 rəhbərliyi sənədli filmin BBC üçün hazırlandığını, lakin sonradan yayımının dayandırıldığını qeyd edib. Lakin redaksiya və yayım standartlarına uyğunluğu yoxlanıldıqdan sonra onun efirə verilməsinə qərar verilib.

Filmin 2 iyul Çərşənbə günü, yerli vaxtla saat 22:00-da nümayiş olunacağı bildirilib.

Kanal 4-ün Xəbərlər və Cari İşlər üzrə rəhbəri Luiza Kompton məsələ ilə bağlı bunları deyib:
“Bu sənədli film, İsrail və ABŞ qüvvələrinin beynəlxalq hüququ pozduğuna dair ciddi iddiaları araşdıran sübutları təqdim edir. Eyni zamanda bu film, Kanal 4-ün cəsarətli və qorxmaz jurnalistikaya olan sadiqliyinin bariz nümunəsidir. Bu, mühüm və diqqətlə hazırlanmış bir işdir”.

TRT XƏBƏR
Mahmudlu Ləman