Prezident Ərdoğan:- “Sıfır Tullantı” layihəsi gücümüzə güc qatır

Bölmə: Dünya › ,
Tarix: 16:58 04.07.2025

 

Prezident Rəcəb Tayyib Ərdoğan: "Qlobal səviyyəyə qaldırılan Sıfır Tullantı layihəsi iqlim dəyişikliyi ilə mübarizəmizə əlavə güc qatır. Layihənin başlanğıcından bu yana təxminən 6 milyon ton istixana qazı emissiyasının qarşısını aldıq",-deyə deyib.

Prezident Ərdoğan Azərbaycanın Xankəndi şəhərində keçirilən İqtisadi Əməkdaşlıq Təşkilatının (İƏT) 17-ci Zirvə Toplantısında çıxış edib.

 

Ərdoğan çıxışının əvvəlində Azərbaycan Prezidenti İlham Əliyevə və Azərbaycan xalqına sammitə ev sahibliyi etdiyinə görə təşəkkür edərək deyib: "Görüşümüzün işğaldan azad edilmiş Xankəndidə keçirilməsi zirvə görüşümüzə xüsusi əhəmiyyət və məna verir. Mən qardaşım İlhamın uzaqgörən yanaşması ilə bu qədim şəhərin Qafqazın yeni inkişafı və sülh mərkəzi olacağına ürəkdən inanıram".

TRT
Zəhra Möhübbətova