Dünya liderlərindən Putinə dəstək mesajları gəlir

Bölmə: Siyasət › ,
Tarix: 19:48 24.06.2023

Rusiyada baş verən proseslərdən sonra bir çox dünya liderindən Putinə dəstək mesajları davam edir.

 

İnformator.az xarici KİV-lərə istinadən xəbər verir ki, Türkiyə prezidenti Rəcəb Tayyib Ərdoğan və Vladimir Putin arasında telefon danışığı olub. Görüş zamanı Rusiyada baş verən son hadisələr müzakirə olunub. Ərdoğan görüşdə sağlam düşüncə ilə hərəkət etməyin vacibliyini vurğulayıb.Ərdoğan bildirib ki, Türkiyə olaraq hadisələrin bu kontekstdə ən qısa zamanda həlli üçün üzərinə düşəni etməyə hazdır.

 

Putinə bir digər dəstək mesajı Qətərdən gəlib. Qətər Vaqner Qrupunun Rusiya administrasiyasına qarşı üsyanı ilə başlayan hadisələri narahatlıqla izlədiyini bildirdi. Bu barədə Qətər Xarici İşlər Nazirliyi Rusiyadakı hadisələrlə bağlı yazılı açıqlama yayıb. Bəyanatda həmçinin Rusiya və Ukraynada vəziyyətin daha da pisləşməsinə qarşı xəbərdarlıq edilib, bu vəziyyətin beynəlxalq sülh və təhlükəsizliyə, ərzaq və enerji təchizatına mənfi təsirləri olacağı qeyd edilib.

 

Qeyd edək ki, “Vaqner” özəl mühafizə şirkətinin yaradıcısı Yevgeni Priqojin Rusiya ordusunu Vaqnerə hücum təşkil etməkdə günahlandırıb. Bundan sonra “Vaqner” döyüşçüləri Ukraynanı tərk edərək sərhəd Rostov vilayətinə daxil olublar.

 

Bu vəziyyətlə əlaqədar Federal Təhlükəsizlik Xidməti (FSB) “silahlı iğtişaş” maddəsi ilə cinayət işi açıb. Rusiya prezidenti Vladimir Putin də Vaqnerin üsyanını “vətənə xəyanət” adlandırıb. Priqojin Moskvaya gedəcəklərini açıqlayıb və Kreml administrasiyası ölkənin bir çox yerində təhlükəsizlik tədbirlərini gücləndirib.

 

Xumar