MİDA mənzilləri yenidən SATIŞDA

Bölmə: İqtisadiyyat › ,
Tarix: 20:56 26.07.2023

Mənzil İnşaatı Dövlət Agentliyi növbəti dəfə güzəştli mənzilləri satışa çıxarır.

 

3 yaşayış kopleksini əhatə edən müsabiqəyə iyulun 29-u saat 11.00-da start veriləcək.

 

MİDA-dan verilən məlumata görə, əvvəlki seçimlərdə vətəndaşlar xüsusən seçimturundakı təhlükəsizlik məsələsində çətinlik yaşadıqları üçün bu dəfəki satışda xüsusi tədbirlər tətbiq olunacaq.

Budəfəki satış 3 yaşayış kopleksi olmaqla 1189 mənzili əhatə edəcək. Yasamal Yaşayış Kompleksinin ikinci mərhələsi üzrə 436 mənzil, Hövsan Yaşayış Kompleksi üzrə 510, Gəncə yaşayış kompleksi üzrə isə 243 mənzil vətəndaşların seçiminə təqdim ediləcək.

 

MİDA-nın mətbuat katibi Diana Dadaşovanın sözlərinə görə, ötən satışlarda onlayn sistemə kənar müdaxilələr səbəbindən vətəndaşların bəziləri mənzil sahibi olmaq şanslarını itirdikləri üçün bu dəfə əlavə təhlükəsizlik tədbirləri görüləcək.

 

Qeyd edək ki, sonuncu dəfə MİDA ötən ilin sentyabrında 815 mənzilin satışı həyata keçirib. Artıq həmin mənzilləri rəsmiləşdirən vətəndaşlar bir ilə yaxındır, kompleksdə yaşayırlar. MİDA-nın təklif etdiyi yaşayış komplekslərini əhatə edən mənzillər tam təmirli, mətbəx mebeli, kombi isitmə sistemi, su, qaz və elektrik sayğacları ilə təmin edilib. Mənzillər 1, 2, 3 və 4 otaqlıdır. Mənzilləri həm ipoteka kreditindən istifadə etməklə, həm də şəxsi vəsait hesabına əldə etmək mümkündür.

 

Fidan