Qədim Quran kitablarının sərgisi keçirilir

Bölmə: Sosial › ,
Tarix: 12:06 31.01.2024

Bakıda Qədim Quran kitablarının sərgisi keçirilir. Yaxından görmək istəyənlər, fevralın 1-dək Gəncliyə Yardım Fonduna yaxınlaşa bilərlər.

 

150 qədim Quran kitabı sərgilənir. Burada həm də Quranın təfsirləri, müxtəlif şairlərin dini şeirləri nümayiş olunur. Müqəddəs rayonların ayrı-ayrı rayonlardan gətirildiyi deyilir. Əksəriyyətinin yaşı çox olduğundan bərpaya ehtiyacı olub.

 

Qədim Quran Araşdırma Mərkəzinin sədri Nəhayət Hüseynova bildirib ki, Oğuz rayonundan gələn 300 yaşlı, Astara rayonundan 380 yaşlı Quran kitabı var.

 

"Burada Saatlı rayonundan olan quran kitabı var. Bunlar əlyazmadır. Burada qızıl xətlə yazılmış quran kitabı var, əlyazmadır. Qızıl xətt? Bəli, bunun 400 ilə qədər yaşı var qızıl xətlə yazılıb. Ayətül kürsü hissəsidir və burada Oğuz rayonundan gəlib, quran və təfsirdir. 700-ə qədər yaşı var".

 

Sərgidə olan ən qədim quran Qaxdan gətirilib. Məhz bu qurandır ki, 950 yaşı var.

 

Qədim Qurani-Kərim kitablarının gələn il Qarabağın mədəniyyət beşiyi sayılan Şuşada nümayiş olunması planlaşdırılır.