Fellaini karyerasını başa vurduğunu açıqlayıb
Bölmə: İdman ›
,
Tarix: 23:00 03.02.2024
Sonuncu dəfə Çin Superliqa komandalarından olan "Şandunq Tayşan"da çıxış edən Maruan Fellaini aktiv futbolçu karyerasını bitirdiyini açıqlayıb.
36 yaşlı Fellaini sosial media hesabındakı paylaşımında "18 illik karyeramdan sonra peşəkar futbolu tərk etdiyimi elan edirəm" deyib.
"Standard Liege", "Everton" və "Mançester Yunayted"də çıxış edən belçikalı yarımmüdafiəçi 2019-cu ildə Çinə transfer olunub.
Fellaini iki dəfə Belçika Pro Liqası və Çin Kubokunun, bir dəfə isə UEFA Avropa Liqası, İngiltərə Federasiya Kuboku, İngiltərə Liqa Kuboku, İngiltərə Superkuboku və Çin Superliqasının qalibi olub.
Peşəkar klub karyerasında 580 matçda 118 qola imza atan Fellaini Belçika Milli Komandası ilə də 87 matçda forma geyinib və 18 qol vurub.
Ayaz Zeynalzadə
