Günəş tutulması Şimali Amerikada gündüzü gecəyə çevirib

Bölmə: Maraqlı › ,
Tarix: 22:36 09.04.2024

Tam Günəş tutulması Şimali Amerikanın Meksika, ABŞ və Kanada şəhərlərini gəzərək on milyonlarla insana unudulmaz anlar yaşadıb.

 

Günəş tutulmasının izlənilə biləcəyi ilk dayanacaq Meksikanın Mazatlan şəhəri olub. Yerli vaxtla saat 11:07-də (CET 21:07) başlayan tam Günəş tutulması Şimali Amerika boyunca təxminən 6500 kilometrlik bir xətt üzərindən görünə bildi.

 

Bu xəttin hər iki tərəfindəki şəhərlərdə də qismən günəş tutulmaları müşahidə olunurdu. Bir çox insanlar bu füsunkar hadisəni tam yaşamaq üçün uzun məsafələr qət etdi. Ayın Günəşlə təmasda olduğu ilk saniyələrdən başlayaraq Günəş getdikcə görünməz hala gəldi və ən sonda, yalnız bir üzük kimi görülə bilən tam tutulmaya qədər tamaşaçıları valeh edən bir görüntü ortaya çıxdı. Dallasda bu anı yaşamaq üçün həftələrlə gözləyən 11 yaşlı Ady, atası Rayanla günəş tutulmasını sözün əsl mənasında səmaya qapanaraq izləyib və ilk təcrübələrini zarafatcıl bir fikirlə bölüşüb: "Sanki Ay Günəşi yeyir, amma dişləmə izləri yoxdur. Mən bu qədər qaranlıq olacağını gözləmirdim, günorta qaranlığı kimi olacağını düşündüm". Günəş tutulmasını izləyənlərin ilk təcrübəsi temperaturun qəfil düşməsi oldu. Bəzi bölgələrdə heyvanların sakitləşdiyi bildirilsə də, bəzi hallarda bu ani dəyişiklik quşların və digər heyvanların təəccüblü səsləri çıxarmasına səbəb oldu. Şimali Amerikanın şərqində yerləşən Niaqara şəlaləsi minlərlə turistin günəş tutulmasını izləmək üçün gözlədiyi yerlər arasında olub.

 

Mənbə: BBCNews

Aytac Kərimova