Bu vitaminlər dərini nəmləndirir, quruluğu yox edir

Bölmə: Maraqlı › ,
Tarix: 19:14 20.05.2024

Quru dəri ətraf mühit faktorları, xüsusilə soyuq hava və aşağı rütubət səbəbindən tez-tez susuzluqla üzləşə bilər. Ancaq düzgün vitaminlərlə qidalanan dəri bu sərt şərtlərə daha davamlı ola bilər. Son araşdırmalar müəyyən vitaminlərin quru dərini nəmləndirmək və canlandırmaqda təsirli olduğunu göstərir. Bəs, hansı vitaminlər quru dəri üçün uyğun və təsirli ola bilər?

 

Quru dəri hər yaşda olan insanlara təsir edə bilən ümumi bir vəziyyətdir. Amerika Dermatologiya Akademiyasına görə, bir çox faktor dərinin qurumasına kömək edir. Bunlardan başlıcası yaşlanmadır; Yaşlandıqca dəridəki yağ və tər vəziləri kifayət qədər nəm çıxara bilmir və dərinin qurumasına səbəb olur.

 

Bundan əlavə, quru iqlimdə yaşamaq, isti duş qəbul etmək, siqaret çəkmək, vitamin çatışmazlığından əziyyət çəkmək, sedef və ya ekzema xəstəliyinin olması dərini qurudan amillərdəndir.

 

B vitamini 

B vitamini dəri sağlamlığı üçün çox vacib bir vitamindir. Advances in Skin and Wound Care jurnalında dərc edilən 2018-ci ildə aparılan bir araşdırma, B vitamininin dərinin ən xarici təbəqəsindəki hüceyrələrin bərpasına kömək etdiyini göstərdi. B vitaminləri dəridən təbii su itkisini minimuma endirərək dərinin toxumasını və möhkəmliyini yaxşılaşdıra bilər. Xüsusilə B3 (niasin) və B5 (pantotenik turşu) dəri sağlamlığı üçün çox vacibdir.

 

C vitamini

Güclü antioksidant xüsusiyyətləri sayəsində C vitamini sərbəst radikallarla mübarizə aparır və dərini çirklənmədən qoruyur. Təbii UV qoruyucusu kimi də işləyir.

 

2017-ci ildə Nutrients jurnalında dərc edilən bir araşdırma göstərdi ki, C vitamini dərinin xarici təbəqəsini formalaşdırmağa kömək edir və dərinin sebum istehsalını artıraraq qocalma əlamətlərini azalda bilər.

 

D vitamini 

Vitamin D dəri sağlamlığının qorunmasında mühüm rol oynayır. Dəri hüceyrələrinin böyüməsinə və dəri maneə funksiyasına kömək edir. Keratinositlər (dərinin xarici təbəqəsinin çox hissəsini təşkil edən dəri hüceyrələri) D vitamini istehsal edən hüceyrələrdir. Buna görə də D vitamini quru dərini yeniləmək və canlandırmaq üçün çox təsirlidir.

 

E vitamini 

E vitamini birbaşa dəriyə tətbiq edildikdə dəri quruluğu və qaşınma kimi problemlərə yaxşı gəlir. O, həmçinin çapıqların və uzanma izlərinin görünüşünü azalda bilər.

 

2016-cı ildə Hindistan Dermatologiyasının Onlayn Jurnalında nəşr olunan bir araşdırmada, 8 ay ərzində E vitamini alan insanlar quru dərilərində əhəmiyyətli yaxşılaşmalar gördülər və ekzeması olanların vəziyyəti də yaxşılaşdı.

 

Sink

Sink DNT və RNT redaktəsinin düzgün funksiyasını qorumağa kömək edən, immunitet sisteminin işləməsini təmin edən və yaraların bərpasına kömək edən mikronutrientdir.

 

2014-cü ildə Dermatology Research and Practice jurnalında dərc edilən bir araşdırma göstərdi ki, sink birbaşa dəriyə tətbiq edildikdə, güclü antibakterial xüsusiyyətlərinə görə dəridəki xroniki problemləri azaldaraq quru dərinin nəmliyini bərpa etməyə kömək edə bilər.

 

Aynur Babayeva