Dünya nəhəngi Kenan Yıldızın izində! Transfer qiyməti müəyyən edildi

Bölmə: İdman › ,
Tarix: 23:33 25.12.2024

Milli Futbol Komandası və “Juventus”un ulduz futbolçularından biri olan Kenan Yıldız transfer gündəminin əsas mövzularından biri olmağa davam edir.

 

Milli futbolçuya Avropanın bir çox nüfuzlu klubları maraq göstərərkən, İtaliya mətbuatında “Liverpool”un da məsələyə müdaxilə etdiyi bildirilib.

 

“Corriere Dello Sport”da yer alan xəbərə görə, “Liverpool” Kenan Yıldızı heyətinə qatmaq istəyir. “Juventus” isə milli futbolçu üçün ən az 40 milyon avro tələb edir.

 

Digər tərəfdən, “Juventus” Sandro Tonalini heyətinə qatmaq istədiyi üçün Kenan Yıldızın transferinə müsbət yanaşa bilər.

 

“GƏLƏCƏYİM JUVENTUSDADIR”

 

Kenan Yıldız bir neçə həftə əvvəl verdiyi müsahibədə “Özünü 5 il sonra harada görürsən?” sualına belə cavab vermişdi: “Juventusda çox xoşbəxtəm. Gələcəyim buradadır. Özümü 5 il sonra da Juventusda görürəm.”

 

Bu mövsüm “Juventus”da 24 oyuna çıxan Kenan Yıldız 4 qol vurub və 5 qol ötürməsi edib. Gənc oyunçunun “Juventus”la 2029-cu ilə qədər müqaviləsi var.

 

Mənbə: beinsport

Aytac Mustafayeva