Yeni idman növləri və trend olan fitness proqramları

Bölmə: İdman › ,
Tarix: 22:51 04.04.2025

 

Son illərdə idman və fitness sahəsində yeni yanaşmalar meydana çıxıb. İnsanlar artıq yalnız ənənəvi məşqlərlə kifayətlənmir, eyni zamanda funksional fitnes, HIIT, yoga, pilates, krossfit və digər müasir idman proqramlarına maraq göstərirlər.

 

Mövzu ilə bağlı ekspert Kamil Zeynallı "İnformator.az"a bildirib ki,düzgün qaydada qidalanıb,müəllim düzgün qaydada proqram verdikdən sonra,rejim düzgün qurulduqdan sonra,yükləməmək şərti ilə, yavaş-yavaş məşq keçməklə insan istədiyi nəticəni ala bilər:

 

"İdman növlərindən ən geniş yayılmışı krossfit və fitnessdir.Krossfit, əsasən, son dövrlərdə yayılmışdır.Amma daha çox insanlar fitnesse üstünlük verirlər.Çünki fitnessdə istədiyin əzələ qrupunu işləyib formaya gətirmək mümkündür.Krossfit isə daha çox arıqlamağa kömək edir.Fitnessdə həm kökələ, həm arıqlaya,həm də bədəni formalaşdırmağı bacarırsan və bu idman növü daha öncədən yarandığına görə insanlar onu tanıyır və ona üstünlük verirlər.Yavaş-yavaş krossfit də yayılacaq.Hazırda da var və bir çox insan da krossfitə gedib məşq edirlər.Bütün idman növlərində nəticə olur.Sadəcə düzgün qaydada idman etməyi və düzgün qidalanmağı bacarasan".

 

Ekspert trend olan fitness proqramlarının sağlamlığa olan təsirindən də danışıb:

 

"Trend olan idman növlərini hər kəs edə bilər.Sağlamlıq,təbii ki,idman müəllimindən asılıdır.Müəllim yanına gələn insanın sağlamlığını fikirləşməli,problemlərini soruşmalı, xəstəliyi olub-olmaması ilə maraqlanmalı,əgər varsa bu xəstəlik ona necə təsir edə bilər,nəticə necə ola bilər deyə ona öz tövsiyyələrini verməlidir.Hər şey idman müəllimindən asılıdır.

Demək olar ki,idman bütün xəstəliklərə dərmandır.Rejim düzgün olandan sonra sağlamlıqda problem çıxmayacaq.Təbii ki, müəllim düzgün qaydada proqram verib,qidasını, rejimini tərtib edəndən sonra bir problem olmayacaq.

Yeni idman növlərinə başlayanlar üçün tövsiyyəm odur ki,fərqi yoxdur hansı idman növü ilə başlayırlar başlasınlar, peşəkarla başlamaq lazımdır ki,sonradan bir problem çıxmasın.Məsələn,adamlar var ki idmana gələndə bədənlərində nə problemləri,nə ağrıları var onları bildirmirlər.Hətta müəllim soruşanda da demirlər.Sonradan məşqlər olandan sonra problemlər yaranır.Fitness elə bir idman növüdür ki,proqram hər ay dəyişir və artırılır, əgər hər şey düzgün olsa, sonda nəticə yaxşı olar.Amma bədənində problem varsa və sən onu vaxtında demirsənsə, nəticə əksinə ola bilər.Ona görə başdan problemlərini, xəstəliklərini məşqçiyə bildirməlisən ki, o da ona uyğun sizə proqramlar hazırlasın.Ən vacib tövsiyyələr odur ki, ya arıqlamaq,ya da kökəlmək istəyən insanlar və yaxud da sağlamlığına görə gələnlər öncə qidasına fikir verməlidirlər.Çünki idman,fitness və qida-hər üçü də bir-birinə paralel və bağlıdır.Düzgün qidalanmadıqda ya nəticə gec olur,ya da heç olmur".

 

Nəzrin Məmmədova