Rodrinin banneri Vinicius Jr-a “Man City”-yə qarşı “daha çox güc” verdi

Bölmə: İdman › ,
Tarix: 19:57 12.02.2025

“Real Madrid”-in hücumçusu Vinicius Jr, “Manchester City” ilə oyundan əvvəl Rodrinin Ballon d’Or qalibiyyətini vurğulayan bannerin nümayiş etdirilməsinin ona Çempionlar Liqasının pley-off mərhələsinin ilk oyununu qazanmaq üçün daha çox motivasiya verdiyini söylədi.

 

İspaniya millisinin yarımmüdafiəçisi Rodri ötən ilin oktyabrında nüfuzlu mükafatı Braziliyalı futbolçunun önündə qazandı və “Real Madrid” bu mükafata öz oyunçusunun layiq olduğunu düşündüyü üçün Parisdəki mərasimə qatılmadı.

 

Çərşənbə axşamı Etihad Stadionunda City azarkeşlərinin açdığı böyük bannerdə Rodri Ballon d’Or-u öpərkən təsvir olundu və üzərində “Stop crying your heart out” (“Ağlamağı dayandır”) sözləri yazıldı.

 

Bununla belə, matçın son dəqiqəsində Jude Bellinghamın vurduğu qol “Real Madrid”-ə 3-2 hesablı qələbə qazandırdı və oyunun sonunda sevinən tərəf onlar oldu.

 

“Mən banneri gördüm", – Vinicius Jr Movistar-a açıqlamasında dedi.

 

“Rəqib azarkeşlər belə şeylər edəndə mənə daha çox güc verirlər ki, əla oyun keçirim və bu dəfə də bunu etdim”.

 

Bu, iki komandanın turnirin pley-off mərhələsində ardıcıl dördüncü, son altı mövsümdə isə beşinci dəfə qarşılaşması idi.

 

Keçən il dörddə bir finalda “Real Madrid” penaltilərlə qalib gəlib və Karlo Ancelottinin komandası 15-ci Çempionlar Liqası titulunu qazanıb.

 

Mənbə: BBC Sport

Aytac Mustafayeva