Avropa futbolunun taktiki yenilikləri bizdə niyə eyni görünmür?-Ekspert AÇIQLAYIR

Bölmə: İdman › ,
Tarix: 21:33 13.02.2025

Avropada tətbiq olunan taktiki yeniliklər yerli futbol sistemində də istifadə olunur. Lakin oyun keyfiyyəti və sürət baxımından hələ də böyük fərqlər qalmaqdadır.

 

Məsələ ilə bağlı futbol eksperti Ceyhun Sultanov "informator.az"a açıqlamasında bildirib ki, məşqçilər hər bir kursda baş verən dəyişikliklər və sistem yenilikləri barədə məlumatlandırılır və bu yeniliklərə açıqdırlar:

 

"Hazırda Avropada tətbiq olunan taktiki dəyişikliklər yerli futbol sistemində də öz əksini tapır və bütün futbolçular bu yenilikləri qəbul edirlər. Lakin taktiki gedişatların keyfiyyətli tətbiqi baxımından müəyyən çatışmazlıqlar mövcuddur.Avropada baş verən taktiki dəyişikliklər yerli futbol mühitində də müşahidə olunur. Bununla belə, Avropada futbolçuların texniki və fiziki keyfiyyətləri daha yüksək olduğu üçün həmin taktiki yeniliklər orada daha effektiv görünür. Yerli futbolçuların keyfiyyət səviyyəsi nisbətən aşağı olduğuna görə bu dəyişikliklər istənilən nəticəni vermir. Taktiki struktur baxımından oxşarlıqlar olsa da, Avropa futbolunun səviyyəsini fərqləndirən əsas amil oyun sürəti və futbolçuların fərdi keyfiyyətləridir".

 

Fatimə Abdulrəhimli