Elon Musk-un xAI şirkəti onun sosial media platforması X-i satın aldı

Bölmə: Dünya › ,
Tarix: 18:23 29.03.2025

Elon Musk öz süni intellekt şirkəti xAI-nin onun sosial media platforması olan X-i (keçmiş adı Twitter) satın aldığını elan edib.

Musk cümə günü X-də paylaşdığı yazıda, tamamilə səhmlərlə həyata keçirilən bu sövdələşmənin xAI-nı 80 milyard dollar, X-i isə 33 milyard dollar dəyərində qiymətləndirdiyini bildirib. Halbuki Musk Twitter-i 2022-ci ildə 44 milyard dollara alıb. Musk paylaşımında qeyd edib: "xAI və X-in gələcəyi bir-biri ilə sıx bağlıdır. Bu gün biz rəsmi olaraq məlumatları, modelləri, hesablama gücünü, yayımı və istedadı birləşdirmək üçün addım atırıq. "Bu addım, X-i almaqda Musk-a kömək edən investorları maliyyə itkilərindən qorumaq məqsədini daşıya bilər”. Həm X, həm də xAI özəl şirkətlərdir və eyni əsas investorlardan bəzilərini paylaşırlar. Həmçinin onların ciddi resurs ortaq istifadə halları var. Yeni birləşmiş şirkət süni intellekt texnologiyalarını və sosial medianı birləşdirərək daha ağıllı və mənalı təcrübələr təqdim etməyi planlaşdırır. X platformasında xAI-nın Grok adlı çatbotu artıq aktiv şəkildə istifadə olunur. Sənaye analitiki Paolo Pescatore isə bu addımı belə şərh edib:

"Mövcud trendləri nəzərə alsaq, süni intellektə, məlumat mərkəzlərinə və hesablama gücünə yatırımların artdığı dövrdə bu addım məntiqli görünür. Elon Musk hazırda 2015-ci ildə həmtəsis etdiyi OpenAI şirkəti ilə hüquqi mübahisə içindədir. O, keçən il OpenAI və onun icraçı direktoru Sam Altmanı məhkəməyə verərək, şirkətin qeyri-kommersiya məqsədindən uzaqlaşdığını iddia edib. Wall Street Journal-ın məlumatına görə, OpenAI hazırda SoftBank-dan 40 milyard dollarlıq investisiya almaq üzrədir. Bundan əlavə, Musk daha əvvəl OpenAI-nı 97,4 milyard dollara almaq üçün təklif irəli sürmüş, lakin Altman bu təklifi rədd edib. Musk son vaxtlar siyasətlə daha çox maraqlanır və hazırda ABŞ Prezidenti Donald Trump-ın əsas müşaviri rolunu oynayır. O, federal xərcləri azaltmaq üçün təşəbbüslər irəli sürür və Viskonsində keçiriləcək Dövlət Ali Məhkəməsi seçkisi üçün milyonlarla dollar sərmayə qoyub. Viskonsin baş prokuroru məhkəmədən Musk-ın seçicilərə 1 milyon dollarlıq çeklər paylamasının qarşısını almağı tələb edib.


BBC
Billurə Quliyeva