"Azərbaycan dünyada enerji təchizatı üzrə çox önəmli aktorlardan biridir"-ŞƏRH
Bölmə: Siyasət ›
,
Tarix: 21:20 04.04.2025
Prezident “Gülüstan” sarayında iclasda iştirak etdi.
Aprelin 4-də Bakıda, "Gülüstan" sarayında Cənub Qaz Dəhlizi Məşvərət Şurası çərçivəsində nazirlərin 11-ci və Yaşıl Enerji Məşvərət Şurası çərçivəsində nazirlərin 3-cü iclasları keçirilib.
Mövzu ilə bağlı politoloq Sahil Kərimli "informator.az"a açıqlamasında bildirib ki, Azərbaycan dünyada , xüsusilə də Avropada enerji təchizatı üzrə çox önəmli aktorlardan biridir:
“Cənub Qaz Dəhlizi Məşvərət Şurası çərçivəsində nazirlərin 11-ci iclası və bu iclasda Azərbaycan Prezidenti, Cənab İlham Əliyevin də iştirak etməsi, Azərbaycan Prezidentinin çox geniş nitq söyləməsi , Azərbaycanın enerji siyasəti ilə bağlı olduqca önəmli bəyanatlar səsləndirməsi, Azərbaycanın dünyanın enerji təhlükəsizliyinə verdiyi töhfənin növbəti bariz nümunəsidir.
Azərbaycan dünyada , xüsusilə də Avropada enerji təchizatı üzrə çox önəmli aktorlardan biridir. Son illər Azərbaycanın enerji siyasəti ilə bağlı həyata keçirilən mega layihələr, Azərbaycanın müəllifi olduğu nəhəng enerji layihələri hər ötən gün genişlənir. Bu layihələr dünyada enerji təhlükəsizliyinə çox ciddi töhfələr verir. Cənub Qaz Dəhlizi üzrə layihələrin daha da şaxələndirilməsi bir çox maşrurlar üzrə Avropanın enerji və qaz təchizatının daha da genişləndirilməsi bu gün əsas hədəflərdən biridir.
Azərbaycan Prezidenti öz çıxışında bu məsələlərə çox detallı münasibət bildirdi. Azərbaycanın mövqeyini, niyyətini və istəklərini, gələcək plan və hədəflərini, qarşıya qoyulan vəzifələri bir daha dünyanın diqqət mərkəzində çatdırıldı.
Azərbaycan bu enerji layihələri ilə eyni zamanda öz iqtisadiyyatını da gücləndirir. Azərbaycan bu istiqamətdə əldə etdiyi gəlirlərdən sosial layihələrə hərbi qüdrətini artırmağa , vətəndaşlar üçün sosial rifahın gücləndirilməsinə, bu kapitalın insan kapitalının yönləndirilməsinə böyük önəm verir. Son illər Azərbaycan bu istiqamətdə çox böyük irəliləyişlər görür.
Məşvərət Şurasının iclası çərçivəsində Azərbaycanın enerji siyasəti daha da şaxələnir. Azərbaycanın enerji siyasəti çox böyük müsbət təsir göstərir. Azərbaycan belə tədbirlərlə öz xoş niyyətini dünyaya göstərir".
Nuray Əliyeva
