Türkiyə və Ukrayna XİN başçıları arasında görüş

Bölmə: Siyasət › ,
Tarix: 21:29 04.04.2025

Türkiyənin xarici işlər naziri Hakan Fidan Brüsselldə ukraynalı həmkarı Andrey Sbiqa ilə görüşüb.

Mövzu ilə bağlı siyasi şərhçi Asif Nərimanlı "İnformator.az"a açıqlamasında bildirib ki, Türkiyə və Ukrayna müzakirə etdiyi məsələ Rusiya və ABŞ-nin Ukrayna ilə bağlı danışıqlar barədədir:

 

"Bildiyimiz kimi, ABŞ və Rusiya arasındakı danışıqlar Ukraynanın maraqlarını tam təmin etmir. ABŞ üçün əsas məsələ müharibənin başa çatması və Ukraynanın təbii sərvətlərinə nəzarəti ələ keçirməkdir. Rusiyanın məqsədi isə bəllidir ki, işğal etdiyi ərazilərə nəzarət etməkdir. Ukrayna bu halda iki böyük dövlət arasında çıxılmaz vəziyyətdə qalıb. Bu situasiyada Ukraynanın döyə biləcəyi iki qapı var: biri Avropa ölkələridir, amma Avropanın ABŞ-dən asılılığı və yekdil bir fikrin olmaması, o cümlədən Avropa İttifaqının Avropanı bu proseslərdən kənarda saxlaması Ukraynanın maraqlarının təmin olunmasına şərait yaratmır. Bu halda Ukraynanın mövqeni müəyyən qədər də müdafiə edə bilən ölkə Türkiyədir. Çünki hər iki tərəf, yəni ABŞ və Rusiya Türkiyə ilə münasibətlərdə maraqlıdır. Əks halda, Türkiyə Avropa cəbhəsi ilə yaxınlaşa bilər. Bu da ki, nə Rusiya, nə də ABŞ-nin maraqlarına uyğun deyil. Zelenskinin Türkiyə səfəri, Ərdoğanla görüşü və ardınca Ukrayna və Türkiyə arasında aparılan danışıqlar bu kontekstə dəyərləndirilməlidir. Görüşün məqsədi həmçinin gələcəkdə atəşkəsin bərpa edildiyi zaman Ukraynanın təhlükəsizlik zəmanətinin əldə edilməsində Türkiyənin rolunu təmin etməkdir. Biz bu prosesin davamında Türkiyənin daha aktiv şəkildə iştirakını görə bilərik".

 

Billurə Quliyeva