Ukrayna nümayəndə heyətinin Vaşinqtonda danışıqlar aparacağı gözlənilir

Bölmə: Dünya › ,
Tarix: 16:59 05.04.2025

Ukraynadan olan nümayəndə heyətinin yaxın günlərdə təbii ehtiyatlarla bağlı sazişi müzakirə etmək məqsədilə Vaşinqtona səfər edəcəyi gözlənilir. Bu barədə ABŞ-nin maliyyə naziri Skott Bessant cümə günü məlumat verib.

 

İnterfaks agentliyinin xəbərinə görə, Bessant bu fikirləri amerikalı jurnalist Taker Karlsonla müsahibəsində səsləndirib:

 

“Gələn həftə təbii ehtiyatlar üzrə sazişi ekspertlər səviyyəsində müzakirə etmək üçün Ukrayna nümayəndə heyətinin Vaşinqtona gəlməsi gözlənilir. Onun imzalanacağına dair ümidlər var".

 

Nazir, həmçinin vurğulayıb ki, Kiyev indiyədək dəfələrlə bu sazişi imzalayacağını bəyan etsə də, hələlik konkret addım atmayıb.

 

Mənbə: Caliber

Aytən Ağazadə