CMK üzrə müdafiə xərcləri elektron qaydada ödəniləcək

Bölmə: Dünya › ,
Tarix: 17:03 05.04.2025

Ədliyyə naziri Yılmaz Tunç bu gündən etibarən bütün Türkiyə daxilində Cinayət Prosessual Məcəlləsi (CMK) çərçivəsində vəkillər kollegiyalarının təyin etdiyi vəkillərə məcburi müdafiə haqqı ödənişlərinin elektron şəkildə edilməsini təmin etdiklərini açıqlayıb.

 

Nazir Tunç, sosial media hesabından "UYAP-dan CMK müdafiə haqqını onlayn ödəmə imkanını təqdim etdik" başlığı ilə etdiyi şərhdə, məhkəmə sisteminin üç sütunundan biri olan müdafiəni təmsil edən vəkillərin peşəkar fəaliyyətlərini asanlaşdırmaq üçün addımlar atmağa davam etdiklərini bildirib.

 

"Müdafiə hüququnu effektiv şəkildə həyata keçirmək üçün, Cinayət Prosessual Məcəlləsi çərçivəsində vəkillər kollegiyalarının təyin etdiyi vəkillərimiz üçün məcburi müdafiə haqqı ödənişlərinin bu gündən etibarən bütün Türkiyə ərazisində elektron şəkildə həyata keçirilməsini təmin etdik".

 

Tunç qeyd edib ki, bu kontekstdə Milli Məhkəmə Şəbəkəsi İnformasiya Sistemi (UYAP) və Türkiyə Vəkillər Kollegiyaları Birliyinin istifadə etdiyi Milli Hüquq Şəbəkəsi Layihəsi sistemi inteqrasiya edilib və bir-biri ilə işlək hala gətirilib.

 

Nazir Tunç, "Bununla hüquqşünaslarımız CMK ödənişləri ilə bağlı sənədləri UYAP vasitəsilə onlayn sistem vasitəsilə yükləyə biləcək və ödənişlər yenidən elektron şəkildə həyata keçiriləcək",- dedi. 

 

Müraciətlə vəkillərə icbari müdafiə haqqının ödənilməsi prosesinin daha tez və operativ şəkildə həyata keçiriləcəyinə diqqət çəkən Tunç, bunun vəkillik kollegiyalarının və məhkəmə binalarının iş yükünün azaldılmasına, sənədləşmə işlərinin azaldılmasına, bununla da vaxta və pula qənaət edəcəyini vurğulayıb.

 

Tunç elektron ödəniş tətbiqinin vəkillər kollegiyaları və vəkillər üçün faydalı olmasını arzulayıb.

 

Mənbə: TRT Haber

Məhərrəmli Xədicə