ABŞ ordusu Yəmənin şimalındakı hədəflərə hava zərbələri endirib

Bölmə: Dünya › ,
Tarix: 17:00 05.04.2025

ABŞ hərbi hava qüvvələri Yəmənin şimal-qərbində yerləşən Səada əyalətindəki bir neçə mövqeni hədəfə alıb. Cümə günü həyata keçirilən hücumlar əsasən Kitaf və Əl-Boke bölgələrində yerləşən Əl-Asayed ərazisini əhatə edib.

 

"Al Masirah" telekanalının məlumatına görə, hücumlar nəticəsində baş verən insan itkiləri və maddi ziyanla bağlı hələlik rəsmi açıqlama verilməyib.

 

Yerli mənbələr bildirir ki, əyalət paytaxtı Səadanın şərqində yerləşən Kahlan bölgəsi də bombalanıb. Bu ərazi üzrə də hər hansı itki və ya dağıntı ilə bağlı məlumat yayılmayıb.

 

Mənbə : Caliber

Aytən Ağazadə