ABŞ-də parkda baş verən silahlı hücumda 7 nəfər yaralanıb

Bölmə: Dünya › ,
Tarix: 22:29 29.05.2025

ABŞ-nin şimal-qərbində yerləşən Vaşinqton ştatında parkda baş verən silahlı hücum nəticəsində 3-ü ağır olmaqla 7 nəfərin yaralandığı bildirilib.

 

Ştat polisinin məlumatına görə, Vaşinqtonun Leykvud (Lakewood) şəhərində yerləşən Herri Todd Parkında baş verən silahlı hücum zamanı 7 nəfər güllə yarası alıb.

Hadisə ilə bağlı məlumat daxil olduqdan sonra əraziyə hüquq-mühafizə orqanlarının əməkdaşları cəlb olunub.

 

Fox 13 Seattle telekanalının xəbərində bildirilir ki, yaralılar xəstəxanaya yerləşdirilib, onlardan üçünün vəziyyəti ağırdır.

 

Leykvud polis serjantı Çarlz Porşe (Charles Porche) yerli KOMO-TV kanalına verdiyi açıqlamada, hadisə yerinə çatanda “çox təşvişli bir mənzərə” ilə qarşılaşdıqlarını bildirib.

 

Porşe hücum zamanı parkda 100-dən çox insanın olduğunu qeyd edib.

Silahlı hücumla bağlı istintaqın davam etdiyi bildirilir.

 

 

TRT Xəbər 

Nuray Əliyeva