Bayden və Zelenski 10 illik təhlükəsizlik müqaviləsi imzalayıblar

Bölmə: Siyasət › ,
Tarix: 22:41 13.06.2024

ABŞ prezidenti Co Bayden və Ukrayna lideri Vladimir Zelenski 10 illik təhlükəsizlik sazişi imzalayıb. Bu barədə Reuters məlumat yayıb .

 

Sənədin mətnində deyilir: “Tərəflər bu sazişin Ukraynanın Şimali Atlantika Alyansına mümkün üzvlüyü üçün körpü rolunu oynadığını qəbul edirlər”.

 

Vaşinqton və Kiyev razılaşıblar ki, “Ukraynaya qarşı hücum və ya hücum təhlükəsi” olarsa, iki ölkənin yüksək səviyyəli rəsmiləri cavab tədbirləri ilə bağlı məsləhətləşmələr aparmaq və Ukraynanın hansı əlavə müdafiəyə ehtiyacı olduğunu müəyyən etmək üçün 24 saat ərzində görüşəcəklər.

 

CNN daha əvvəl Ukrayna və Amerika rəhbərliyinin 10 illik müqavilə imzaladığını bildirmişdi . Nəşrin yazdığına görə, saziş Vaşinqtonu Kiyevlə “silah və texnika istehsalı” sahəsində əməkdaşlığı genişləndirməyə məcbur edəcək.