Serbiya üçüncü ölkələrə sursat satan şirkətlərə heç bir qadağa olmadığını açıqlayıb

Bölmə: Siyasət › ,
Tarix: 22:31 25.06.2024

"Serb şirkətlərinə silah-sursatın üçüncü ölkələrə satılması qadağan edilmir". 

"İnformator.az" "France Presse"ə istinadən xəbər verir ki, bunu Serbiyanın baş naziri Miloş Vuçeviç deyib.

 

 "Mən şirkətlərə silahlarımızı İspaniyaya, Çexiyaya və ABŞ-a satmağı qadağan etmək istəmirəm... çünki bu, qadağan deyil",- dedi.

 

 Serbiya hökuməti başçısının sözlərinə görə, “müharibə olan yerdə istifadə olunan” mərmi istehsalı əxlaqsızlıq deyil.

 

 Bundan əvvəl Serbiyanın ixrac etdiyi 800 milyon dollarlıq silahın Ukraynaya düşə biləcəyi ilə bağlı məlumatlar ortaya çıxdı. İddia olunur ki, Belqrad birbaşa Kiyevə və ya Moskvaya silah verə bilməz, lakin sərbəst şəkildə üçüncü ölkələrə silah satır.

 

 Serbiya prezidenti Aleksandar Vucic əmin edib ki, ölkə mövcud müqavilələrə uyğun olaraq silah istehsalı və ixracı ilə məşğuldur və bu cür hərəkətlərə bəhanə gətirməyəcək.

 

Banuçiçək Kalbalıyeva