Rusiya Gürcüstanın strateji istəyini ortaya qoydu

Bölmə: Siyasət › ,
Tarix: 23:43 25.06.2024

Gürcüstan Rusiyaya təhdidlər üçün tramplin kimi istifadə olunmaq istəmir. Qonşu ölkənin strateji istəyini Sputnik radiosu ilə söhbətində Rusiya baş nazirinin müavini Aleksey Overçuk açıqlayıb .

 

“Onlar (Gürcüstan) getdikcə daha çox özlərini qonşuları ilə sülh şəraitində yaşamağa çalışan müstəqil suveren dövlət kimi başa düşürlər. Onlar başa düşürlər ki, Rusiya Federasiyasına təhdidlərin proqnozlaşdırılması üçün tramplin kimi istifadə olunmaq istəmirlər”, - Overçuk bildirib.

 

O qeyd edib ki, bu tendensiya Rusiya ilə Gürcüstan arasında ticarət-iqtisadi əlaqələrin artmasına müsbət təsir göstərir.

 

Bir müddət əvvəl Gürcüstanın Sosialist Platformasının fəalı Paata Abuladze demişdi ki, Qərb xarici agentlər haqqında qanuna etirazlar fonunda Gürcüstanda Rusiyaya qarşı “ikinci cəbhə” açmaq istəyir. O əlavə edib ki, Baltikyanı ölkələrin xarici işlər nazirlərinin Tbilisidəki çıxışları da analoji planlarla bağlıdır.