Makron Fransa baş nazirinin istefa ərizəsini rədd edib
Bölmə: Siyasət ›
,
Tarix: 23:12 08.07.2024
Fransa prezidenti Emmanuel Makron baş nazir Qabriel Attalın istefasını qəbul etməkdən imtina edib.
Bildirilib ki, prezident ölkədə sabitliyi təmin etmək üçün baş nazirdən müvəqqəti olaraq vəzifəsində qalmasını istəyib. Makron Attalla görüşündən sonra seçkidən sonra istefa vermək niyyətində olduğunu bildirən daxili işlər naziri Gerald Darmanini qəbul edib. Hökumət Olimpiada (26 iyul-11 avqust) və Paralimpiya Oyunlarının (28 avqust-8 sentyabr) rahat keçməsini təmin etmək üçün payızın əvvəlinə qədər mövcud strukturu ilə işləməyə davam edəcək. Bu arada parlament seçkilərində qalib gələn solçu Yeni Xalq Cəbhəsi alyansı hələ də kimin baş nazir seçiləcəyini düşünür.
Yeni hökumət başçısı yaxın vaxtlarda elan edilməyəcək. Makron yeni prezidenti seçmək üçün Milli Assambleyanın ilk iclasının keçiriləcəyi iyulun 18-dək baş nazirliyə namizədliyi ilə bağlı yekun qərar verə bilməz. Radiostansiya daha əvvəl bildirmişdi ki, prezident dərhal yeni hökumət başçısını təyin etməyə borclu deyil. Yelisey Sarayı açıq şəkildə bildirdi ki, prezidentin vəziyyəti təhlil etmək üçün vaxta ehtiyacı var. Bundan əlavə, Fransa lideri NATO sammitində iştirak etmək üçün iyulun 9-da Vaşinqtona uçmalıdır. O, cari məsələlərə yalnız iyulun 11-də qayıda biləcək.
Fransa Daxili İşlər Nazirliyinin məlumatına görə, Yeni Xalq Cəbhəsi alyansı Milli Assambleyaya (parlamentin aşağı palatası) növbədənkənar seçkilərdə qalib gələrək 182 yer qazanıb. Prezidentlərin “Birgə Respublika Naminə” koalisiyası 168 mandat qazanıb, ikinci yerdə sağçı Milli Birləşmə (143) və sağ mərkəzçi Respublikaçılar (46) partiyası yer alıb.
Mənbə: TASS.com
Tərcümə etdi: Gülnisə Əfkari
