Ağıllı Üzüklər: Texnologiyanın Zərif Gücü

Bölmə: Sosial › ,
Tarix: 23:00 06.12.2024

Texnologiyanın inkişafı ilə cihazlar daha da kompakt, funksional və estetik cəhətdən cəlbedici olmağa başlayıb. Bu yeniliklərdən biri də ağıllı üzüklərdir. Əvvəllər sadəcə zinət əşyası kimi tanınan üzüklər, artıq yüksək texnologiyalı cihazlara çevrilərək həyatımızın ayrılmaz hissəsinə çevrilir.

 

İKT Assosiasiyasının eksperti Elvin Abbasov "informator.az"a açıqlamasında bildirib ki, ağıllı üzüklər və bu kimi digər aksessuarlar məhdud funksiyaları həyata keçirir:

 

“Bu üzüklər, əsasən, NFC (Yaxın Sahə Əlaqəsi) texnologiyasını dəstəkləyir. Bunun sayəsində kartla ödəniş etmək, qapı açmaq və ya müxtəlif məlumatları paylaşmaq mümkündür. Bundan əlavə, ağıllı üzüklər tibb, idman, təhlükəsizlik və hətta biznes sahələrində də geniş istifadə olunur. Ağıllı üzüklərin texnologiyası hələ də inkişaf mərhələsindədir. Gələcəkdə bu cihazların daha çox funksiyaya malik olacağı, süni intellekt və digər qabaqcıl texnologiyalarla təchiz ediləcəyi gözlənilir. Texnologiyanın bu yeni trendi yaxın gələcəkdə daha geniş yayılaraq həyatımızın ayrılmaz bir hissəsinə çevriləcək”.

 

Bənövşə Zahidli