Xalqın xeyirxahı-Hacı Zeynalabdin Tağıyev 202 il öncə bu gün doğulub!

Bölmə: Sosial › ,
Tarix: 14:33 25.01.2025

Bu gün-25 yanvar Azərbaycanın dəyərli xeyriyyəçisi, maarifçi və iş adamı Hacı Zeynalabdin Tağıyevin doğum günüdür. 1823-cü ildə Bakıda sadə bir ailədə dünyaya gələn Tağıyev, öz zəhməti və iradəsi ilə təkcə zəngin iş adamına çevrilməyib,həm də xalqın rifahı üçün böyük işlər görüb.

 

Tağıyev Azərbaycanın neft sənayesində böyük irəliləyişlərə imza atsa da, onun adı daha çox xeyriyyəçiliyi ilə yadda qalıb. Maarifçiliyə xüsusi önəm verən Hacı Zeynalabdin ölkəmizdə ilk qız məktəbini açmaqla qızların təhsil alması üçün şərait yaradıb. Həmçinin Bakıda su kəmərinin çəkilməsi, xəstəxanalar, teatrlar və digər sosial obyektlərin inşası onun adı ilə bağlıdır.

 

Tağıyevin fəaliyyəti yalnız Azərbaycanda deyil, Qafqaz və Orta Asiyada da xeyriyyəçilik ənənələrinin möhkəmlənməsinə təsir edib.

 

Bu gün Hacı Zeynalabdin Tağıyevin irsi xalqımız üçün bir örnəkdir. Onun fəaliyyəti sosial məsuliyyətin, xeyirxahlığın və maarifçiliyin əhəmiyyətini bir daha vurğulayır.

 

Hacı Zeynalabdin Tağıyev Azərbaycan xalqının yaddaşında bir simvol olaraq daim yaşayacaq .Onun irsinə sahib çıxmaq və gələcək nəsillərə tanıtmaq bizim borcumuzdur.

 

Allah rəhmət eləsin!

 

Səkinəbəyim Cəfərova