Starmer müdafiə xərclərini artırmaq üçün yardımı azaldır

Bölmə: Dünya › ,
Tarix: 21:01 25.02.2025

Britaniyanın Baş naziri Sir Keir Starmer 2027-ci ilə qədər müdafiə xərclərini ÜDM-in 2.5%-nə çatdırmaq üçün beynəlxalq yardım büdcəsini 0.5%-dən 0.3%-ə endirəcəyini açıqlayıb. Bu addım, Ukrayna müharibəsini bitirmək üçün aparılan sülh danışıqları fonunda atılıb.

 

Müxalifət partiyaları müdafiə xərclərinin artırılmasını alqışlasa da, yardımın azaldılmasını xeyriyyə təşkilatları "xəyanət" kimi dəyərləndirilib. Save the Children təşkilatı bu qərarı dünyanın ən həssas insanlarına qarşı "səhv addım" adlandırıb. Müdafiə xərclərinin artırılması Avropanın NATO öhdəliklərini gücləndirməsinə dair Donald Trampın çağırışları ilə üst-üstə düşür. Lakin Tramp Avropa müttəfiqlərindən müdafiəyə ÜDM-in 5%-ni ayırmalarını tələb edir. Starmerin ABŞ-a səfəri və Tramp ilə görüşü ərəfəsində bu qərar mühüm əhəmiyyət daşıyır. Digər siyasi liderlər isə Britaniyanın iqtisadi strategiyasının bu artımı dəstəkləməyə yetərli olub-olmadığını sorğulayırlar.

 

BBC News
Aydan Quliyeva