İnqilabi xərçəng peyvəndi-9 xəstədə tam sağalma təmin olundu

Bölmə: Dünya › ,
Tarix: 18:40 26.02.2025

Yale Universitetinin inkişaf etdirdiyi fərdi xərçəng peyvəndi 9 böyrək xərçəngi xəstəsində uğurla şişi yox etdi. Peyvənd immun sistemini gücləndirərək xərçəng hüceyrələrini hədəf alır. Faz 2 tədqiqatları davam edir.

ABŞ-dakı Yale Universitetindən alimlər tərəfindən hazırlanmış eksperimental xərçəng peyvəndi, 9 xəstədə xəstəliyin tamamilə aradan qalxmasına səbəb oldu. 2019-cu ilin mart ayı ilə 2021-ci ilin sentyabr ayı arasında araşdırmaya qatılan xəstələrin hamısının 2023-cü ilin iyul ayında aparılan üç illik təqib müayinəsində xərçəngsiz olduğu müəyyən edildi və bu, mühüm bir uğur kimi qiymətləndirildi.

 

Peyvənd cərrahi müdaxilədən sonra qalan xərçəng hüceyrələrini hədəf alaraq sağlam hüceyrələrə zərər vermədən onları məhv etdi. Yale Xərçəng Mərkəzi və Dana-Farber Xərçəng İnstitutu tərəfindən hazırlanmış bu peyvənd, hər bir xəstənin bioloji xüsusiyyətlərinə uyğun olaraq fərdi şəkildə dizayn edilib və immun sisteminin yalnız şişə məxsus mutasiyaları tanıyıb məhv etməsinə şərait yaradıb.

 

TRT HABER
Əsmər Bəşirova