Türkiyə seçkilərinin ikinci turunun zamanı açıqlandı

Bölmə: Siyasət › ,
Tarix: 21:11 15.05.2023

Türkiyənin Yüksək Seçki Qurumunun (YSK) sədri Ahmet Yener prezident seçkilərinin ikinci tura aldığını açıqlayıb. Həmçinin qeyri-müəyyən olan ilkin nəticələri açıqlayıb.

 

İnformator.az Türkiyə mediasına istinadən xəbər verir ki, ilkin nəticələrə görə, prezident Rəcəb Tayyib Ərdoğan 49,51 faiz, Kamal Kılıçdaroğlu 44,88 faiz, Sinan Oğan 5,17 faiz, Məhərrəm İncə isə 0,44 faiz səs toplayıb. 

YSK sədri yekun nəticələrin açıqlanmasından sonra ikinci səsvermə üçün mayın 20-də gömrük qapılarında və xaricdə səsvermənin başlayacağını bildirib. O, xaricdə səsvermənin mayın 24-də başa çatacağını bildirib.

 

Qeyd edək ki, radio və televiziyanın təbliğat çıxışları mayın 24-də başlayıb, mayın 27-də saat 18.00-da başa çatacaq.

 

Sayad