Rusiya İsveçdən qovulan diplomatların qisasını gecikdirmədi

Bölmə: Siyasət › ,
Tarix: 15:14 25.05.2023

Rusiya İsveçdən qovulan beş rus diplomata qarşı eyni sayda isveçli diplomatın ölkədən çıxarılacağını açıqlayıb.

 

İnformator.az xarici KİV-ə istinadən xəbər verir ki, İsveç aprel ayında beş rusiyalı diplomatı ölkədən çıxardıqdan sonra Rusiyadan qisas cavabı gəlib.

 

Rusiya Xarici İşlər Nazirliyindən verilən açıqlamada, ötən ay İsveçdən qovulan rus diplomatlara qarşı Rusiyada çalışan beş isveçli diplomatın ölkədən çıxarılacağı qeyd edilib.

 

İsveçin rus diplomatlara qarşı bu qərarının "düşmən addımı” kimi qiymətləndirilən bəyanatda bunun iki ölkə arasındakı münasibətlərdə "əks tendensiya”ya cavab olaraq verildiyi vurğulanıb.

 

Qeyd edək ki, ötən il Rusiyanın Ukraynaya müdaxiləsindən sonra İsveçin NATO-ya üzvlüyü prosesinin başlaması ilə iki ölkə arasında münasibətlər pisləşməyə başlayıb.