Liseylərə qəbul olanların nəzərinə: Sənədlərin qəbul vaxtı açıqlandı

Bölmə: Siyasət › ,
Tarix: 15:23 07.08.2023

Lisey və gimnaziyalara mərkəzləşdirilmiş imtahanla qəbul olunan şagirdlərin sənədlərinin qəbuluna başlanılır.

 

Valideyn övladının şəxsi işlərini 7 avqust saat 15:00-dan 17 avqust saat 15:00-dək qəbul olunduğu cari müəssisəyə təqdim etməlidir. Bu vaxt ərzində sənədlər lisey və ya gimnaziyalara təqdim edilmədiyi halda şagirdin qəbulu etibarsız sayılır və həmin yer 2-ci mərhələ üçün vakant olaraq təqdim ediləcək. Qeyd edək ki, şagirdin sənədləri təhvil alınarkən valideyn şəxsi kabinetdən elektron ərizəni çap edərək imzalamalı və şagirdin əvvəl təhsil aldığı məktəbə təqdim etməlidir. Bu ərizə şagirdin əvvəl təhsil aldığı məktəbin modulundan da əldə edilə bilər.