“Google” işçi qüvvəsində ixtisar edir

Bölmə: Araşdırma › ,
Tarix: 19:58 11.01.2024

“Google” şirkəti dekabrın 10-da mətbuata verdiyi açıqlamada, bir neçə komandada yüzlərlə işçisini ixtisar etdiyini, “Fitbit” həmtəsisçiləri James Park və Eric Friedman’ın da şirkətdən ayrıldığını bildirdi. Əsas səbəb isə şirkətin xərclərinin azaldılması olub. 

 

Həmçinin “Google” , “Səsli Asistent” bölməsindən yüzlərcə işçini kənarlaşdıracağını və “Pixel”, “Nest” və “Fitbit” üçün cavabdeh olan komandadan bir neçə yüz çalışan qüvvənin işdən çıxarılacağını, “artırılmış reallıq” (AR) komandasındakı insanların əksəriyyətini də buraxılacağını qeyd edib. ”Google”nin verdiyi məlumatlar arasında, şirkətin mühəndislik bölümündəki işçilərin mövqeyinin də bu situasiyadan təsirləndiyi qeyd olunub. “Google” sağlamlıq və fitness cihazları istehsal edən şirkəti “Fitbit”i 2021-ci ildə 2,1 milyard dollara alıb, lakin “Fitbit”in bəzi cihazları və həmçinin “Apple Watch” ilə rəqabət aparan “Pixel Watch” məhsulunun da yeni versiyalarını buraxmağa davam edir.

 

Əli Məmmədli