Ramazan ayının ilk gününün duası - İmsak və iftar vaxtı

Bölmə: Maraqlı › ,
Tarix: 17:06 01.03.2025

Bu gün, Ramazan ayının ilk günündə, müsəlmanlar böyük həyəcan və şükür hissi ilə orucluğa başlayırlar. Ramazan ayı, İslam dininin beş şərtindən biri olan oruc tutma ibadətinin yerinə yetirildiyi, mərhəmət, səbir və Allaha yaxınlaşma dövrüdür.

 

“İnformator.az” xəbər verir ki, imsak vaxtı 05:49-a, iftar isə 18:47-ə təyin olunub.

 

Birinci günün imsak duası:

“Allahumməc-əl siyami (fihi) siyaməs-saimin. Və qiyami (fihi) qiyaməl-qaimin. Və nəbbihni fihi ən naumətil-ğafilin. Vəhəb li curmi fihi ya ilahəl-aləmin. Və-fu ənni ya afiyən ənil-mucrimin!”

 

Tərcüməsi:

 

“İlahi, bu ayda tutduğum orucu həqiqi oruc tutanların orucundan, gecələr oyaq qalmaqla etdiyim ibadətləri əsl gecə ibadətçilərinin ibadətindən qərar ver. Məni bu ayda qafillərin getdiyi yuxudan uzaq et. Bu ayda günahlarımdan keç, ey aləmlərin tanrısı. Məni bağışla, ey günahkarları bağışlayan”.

 

İftar duası:

 

“Allahummə ləkə sumtu və əla rizqikə əftərtu və əleykə təvəkkəltu. Bismillahir-Rəhmanir-Rəhim. Ya vasiəl-məğfirəti iğfirli”.

 

Tərcüməsi:

 

“İlahi, səndən ötrü oruc tutdum, sənin verdiyin ruzi ilə iftar açdım və sənə təvəkkül etdim. Bağışlayan və mehriban Allahın adı ilə. Ey hüdudsuz bağışlama sahibi, mənim günahlarımı bağışla!”

Allah orucunuzu qəbul etsin!

 

Meşədiyeva Türkanə