"90 günlük tarif fasiləsi firmalar üçün “qeyri-müəyyənlik” mənbəyidir"

Bölmə: Dünya › ,
Tarix: 21:55 11.04.2025

Fransa prezidenti Emmanuel Makron ABŞ prezidenti Donald Trampın 90 gün ərzində qisas almayan ölkələr üçün tarifləri dayandırmaq qərarının şirkətlər üçün “qeyri-müəyyənlik” mənbəyi olduğunu bildirib.

 

Trampın Çindən başqa bütün ticarət tərəfdaşlarına əlavə tarifləri 90 gün müddətinə dayandırdığını elan etdikdən sonra Makron X hesabında yazıb.

 

“Amerika tariflərinin 90 gün müddətinə dayandırılması siqnaldır və danışıqlar üçün açıq qapıdır”.

ABŞ-nin alüminium, polad və avtomobillərə tətbiq etdiyi 25 %, ABŞ-nin Avropa İttifaqına (AB) qarşı tətbiq etdiyi digər məhsullara tətbiq etdiyi 10 faizlik tarifin hələ də qüvvədə olduğunu qeyd edən Makron, bunun Aİ üçün 52 milyard avro məbləğinə uyğun gəldiyini bildirib.

 

Makron, tariflərdəki 90 günlük fasilənin həm AB, həm də ABŞ şirkətləri üçün “90 günlük qeyri-müəyyənlik” yaratdığını və ədalətsiz tarifləri aradan qaldırmaq və ədalətli razılaşmaya nail olmaq üçün Aİ Komissiyası ilə danışıqlar aparmağı hədəflədiklərini bildirib.

 

Makron Aİ-nin tariflərlə bağlı əks tədbirlər üzərində işləməyə davam etməli olduğunu vurğulayaraq: "Fransa hazırdır. Avropa da hazır olmalıdır. Gəlin realist və vahid qalaq və öz maraqlarımızı qətiyyətlə müdafiə edək",- mesajını verdi.

 

Dünən görüşdüyü sahibkar və sənayeçilərin çox narahat olduğunu ifadə edən Makron, “Amerika tarifləri sahibkarların və sənayeçilərin fəaliyyətinin tam ürəyinə zərbə vurur”,- dedi. 

 

Makron bildirib ki, onlar avropalılarla birlikdə Avropa şirkətlərini qorumaq və Aİ-nin iqtisadi suverenliyini və qitədə məşğulluğun gələcəyini təmin etmək üçün əllərindən gələni edəcəklər.

 

Mənbə: TRT Haber

Məhərrəmli Xədicə