Millət vəkili Razi Nurullayev istedadlı gənclərlə görüşüb

Bölmə: Sosial › ,
Tarix: 12:00 14.08.2024

"İstedadları tanıyaq və tanıdaq" İB-nin  və “ Dünyəviliyin və Maarifpərvərliyin “ TD ictimai birliyi "təşkilatçılığı ilə keçirilən görüşdə Millət vəkili Razi Nurullayev ictimaiyyət nümayəndələri, məktəblilər və valideynlər iştirak edib.
Əvvəlcə Azərbaycan Respublikasının ərazi bütövlüyü və müstəqilliyinin müdafiəsi uğrunda canından keçən şəhidlərimizin əziz xatirəsi bir dəqiqəlik sükutla yad edilib.
 Təşkilat rəhbəri V.Qələndərli millət vəkili Razi Nurullayevə görüş üçün vaxt ayırdığına görə təşəkkürünü bildirib. O, qeyd edib ki, bu cür görüşlər gənclərdə yüksək nəticələrə stimul yaradır. “ Dünyəviliyin və Maarifpərvərliyin “ TD ictimai birliyi  rəhbəri G. Mürsəlli  millət vəkili Razi Nurullayevə görüş üçün öz təşəkkürünü bildirdi.
Millət vəkili Razi Nurullayev çıxış edərək bildirib ki, bu gün Azərbaycan gəncliyi ictimai həyatın bütün sahələrində kifayət qədər fəaldır. “Cəmiyyətin bütün sahələrində gənclərin fəal iştirakına yaradılan şəraiti, onların yaradıcı potensialının üzə çıxarılması üçün göstərilən hər cür dəstəyi, gənclərin təhsil və məşğulluq məsələlərinə diqqəti artırmaq üçün görülən işləri alqışlayırıq. Bu gün ölkəmizdə gənclərin inkişafı üçün hər cür şərait yaradılıb və gənclərimiz öz üzərində çalışmalı, inkişaf etməlidir. Bunun üçün əlimizdən gələni etməyə hazırıq”-deyə milət vəkili vurğulayıb.
Daha sonra maraqlı diskussiya baş tutub. Gəncləri maraqlandıran suallar millət vəkili tərəfindən cavablandırılıb.