Norveç Ukrayna Silahlı Qüvvələrinə təyyarələrin alınması üçün sərmayə qoyub

Bölmə: Dünya › ,
Tarix: 21:01 03.09.2024

Norveç 2022-ci ildə əsası qoyulan Ukrayna Beynəlxalq Fondu (IFU) vasitəsilə Ukrayna Silahlı Qüvvələri (UAF) üçün pilotsuz uçuş aparatlarının (PUA) alınmasına sərmayə qoyub. 
"İnformator.az" xəbər verir ki, bu barədə Norveç hökumətinin saytında məlumat verilib.

“Norveç bu ianəyə 570 milyonluq töhfə verib. Alma Britaniyanın rəhbərlik etdiyi Ukrayna Beynəlxalq Fondu vasitəsilə həyata keçirilir”, - məlumatda deyilir.

Qeyd edək ki, bundan əvvəl Böyük Britaniyanın Müdafiə Nazirliyi Londonun Ukraynaya Beynəlxalq Dəstək Fonduna 500 milyon funt sterlinqdən çox sərmayə qoyduğunu bildirib. Bu töhfənin ən böyük töhfə olduğu aydınlaşdırılıb. Norveç, İsveç, Danimarka, İslandiya, Hollandiya, Litva, Avstraliya və Yeni Zelandiya da vəsait ayırıb. Onların vəsaitlərinin cəmi bir milyardı ötüb.

 

Banuçiçək Kalbalıyeva