Blinken açıqladı: İrana qarşı yeni sanksiyalar!

Bölmə: Dünya › ,
Tarix: 22:03 10.09.2024

ABŞ dövlət katibi Blinken keçirdiyi mətbuat konfransında Rusiya ilə əməkdaşlıq edən İrana mesaj göndərərək, “Tehranın hərəkətlərinin əhəmiyyətli iqtisadi nəticələri olacaq” deyib.

 

ABŞ dövlət katibi Entoni Blinken Londonda təmasları çərçivəsində Böyük Britaniyanın xarici işlər naziri Devid Lammi ilə görüşüb. Görüşdən sonra təşkil edilən mətbuat konfransında danışan Blinken ingilis həmkarı ilə bu həftə Ukraynanın paytaxtı Kiyevə gedəcəklərini bildirib. Rusiyanın Ukraynadakı şəhərləri, insanları və xüsusilə enerji infrastrukturunu hədəf alan hücumlarını artırdığını ifadə edən Blinken, “Putinin bu təcavüzü davam etdirə bilməsinin səbəblərindən biri də Çin Xalq Respublikasının verdiyi dəstəkdir. “Ölkələrimiz Rusiyanın döyüş maşınına təkan verən bu praktikalarla məşğul olan Çin qurumlarını məsuliyyətə cəlb etməyə razılaşırlar" deyib.

 

“TEHRAN, RUSYA'DA BİR DRON FABRİKASI QURUB”

 

Tayvan boğazında sülh və sabitliyin təmin edilməsi üçün birgə səyləri, Cənubi Çin dənizində naviqasiya və uçuş azadlığını da müzakirə etdiklərini ifadə edən Blinken, “Sülh və sabitliyi qorumaq və status-kvonu qorumaq hər ikimiz üçün vacibdir. Bu, təkcə bizim üçün deyil, həm də dünya ölkələri üçün vacibdir. Biz həmçinin ümumi maraqlarımıza təsir edən və bütün dünyada insanlara təsir edən qlobal məsələlərdə Çin ilə əməkdaşlıq yollarını axtarmağa davam etməyin vacibliyi ilə razıyıq" dedi.

 

Rusiya prezidenti Vladimir Putinin Ukraynaya qarşı müharibəsində Birləşmiş Millətlər Təşkilatının Təhlükəsizlik Şurasının (BMT TŞ) bir çox qətnaməsini pozduğunu vurğulayan Blinken, “O, real silah əldə etmək üçün getdikcə daha çox İran və Şimali Koreyanın köməyinə arxalanır. Tehran uzun müddətdir ki, öldürücü pilotsuz təyyarələr tədarük edir. O, Rusiyada pilotsuz təyyarələr fabriki qurub. Rusiya əsgərlərinə onlardan necə istifadə edəcəyini öyrədirdi. ABŞ bir müddətdir ki, İranın Ukraynada istifadə üçün Rusiyaya ballistik raketlər verməsi ilə bağlı əlavə təhlükə barədə xəbərdarlıq edib".

 

“RUS ƏSGƏRİNƏ İRANDA FATH-360 YAXIN MƏNSİLLİ BALLİSTİK ROKET SİSTEMİNDƏN İSTİFADƏ ETMƏK TƏLİM OLUNUB”

 

İrana həm açıq, həm də özəl olaraq bu addımın eskalasiyanın artacağına dair xəbərdarlıq etdiklərini ifadə edən Blinken, “Maksimum mənzilli Fath-360 yaxın mənzilli ballistik raket sistemindən istifadə etmək üçün onlarla rus hərbçisi İranda təlim keçib. Rusiya indi bu ballistik raketlərin yükünü alıb və çox güman ki, onları bir neçə həftə ərzində Ukraynadakı ukraynalılara qarşı istifadə edəcək. Biz birlikdə işləyirik ki, Tehranın hərəkətləri əhəmiyyətli iqtisadi nəticələr versin. Birləşmiş Ştatlar bu gün axşam saatlarında İrana qarşı yeni sanksiyalar, o cümlədən Iran Air-ə qarşı əlavə tədbirlər elan edəcək. Biz müttəfiqlərimizin və tərəfdaşlarımızın İrana qarşı yeni tədbirlərini açıqlamalarını gözləyirik”- deyib.

 

Mənbə: Haber 7

 

Aslanova Fatimə