Moskva və Çerkesskdə səsvermə başladı-Abxaziya seçkisi

Bölmə: Dünya › ,
Tarix: 19:34 15.02.2025

Abxaziya vətəndaşlarının vaxtından əvvəl prezident seçkilərində səs verməsi üçün distant səsvermə məntəqələri şənbə günü səhər saatlarında Rusiyanın Moskva və Çerkessk şəhərlərində açılıb.

Abxaziyada vaxtından əvvəl prezident seçkisi fevralın 15-də keçirilir. Beş namizəd prezidentlik uğrunda mübarizə aparır: Adqur Ardzinba, Robert Arşba, Oleq Barstsits, Badra Gunba və Adqur Hurxumal. Seçki günü Abxaziyanın 35 dairəsində ümumilikdə 152 səsvermə məntəqəsi açılıb.
Keçmiş prezident Aslan Bjaniya 19 noyabr 2024-cü ildə daxili siyasi böhran fonunda istefa verib. Vitse-prezident Badra Gunba prezident vəzifəsini icra edib və daha sonra namizəd kimi qeydiyyata alınıb. Yanvarın 10-da rəsmi namizəd olduqdan sonra o, məzuniyyətə çıxıb və onun yerinə əvvəl baş nazir vəzifəsini icra edən Valeri Bqanba prezident vəzifəsini icra edir.

 

Mənbə:ITAR TASS
Zəhra Məmmədova