Tanınmış diktor tələbələrin görüşünə gəldi
Bölmə: MEDİA ›
,
Tarix: 21:48 10.12.2015
Bakı Dövlət Universiteti Jurnalistika fakültəsi, III kurs tələbəsi Cavid Abbaslı
09.12.2015-ci il tarixində BDU Jurnalistika fakültəsinin növbəti qonağı Azərbaycan Televiziya və Radio Verilişləri Qapalı Səhmdar Cəmiyyətinin diktoru Eldost Bayramov oldu. “KİV-də praktiki iş” fənninin özəlliklərindən söhbət açan Eldost müəllim tələbələrlə öz təcrübəsini bölüşüb, bu sahəyə gəlişindən, onun incəliklərindən maraqla danışdı. Diskussiya şəklində keçən görüşdə qonaq, həmçinin tələbələri maraqlandıran sualları cavablandırdı. Görüşün sonunda gələcəyin jurnalistləri ilə xatirə şəkli çəkdirən Eldost Bayramov tələbələrlə görüşə dəvət etdikləri üçün Sevil xanım Həsənovaya, Tural Vəlimetova minnətdarlığını bildirdi və onlara işlərində yeni nailiyyətlər arzuladı.
