Tanınmış jurnalist Emil Ağayev vəfat edib

Bölmə: MEDİA › ,
Tarix: 12:58 16.01.2016

Ölkənin bir çox nüfuzlu mətbu orqanlarında işləmiş, son illər isə “Haqqqın.az”da çalışan tanınmış jurnalist və yazıçı Emil Ağayev vəfat edib.

İnformator-un məlumatına görə, Emil Ağayev 1938-ci il oktyabrın 11-də Qazaxıstanın Çimkənd şəhərində ziyalı ailəsində anadan olub. ADU-nun (indiki BDU) filologiya fakültəsində təhsil almış E.Ağayev bir müddət müəllim işləyib, sonra "Molodyoj Azerbaydjana", "Vışka"qəzetlərində çalışıb. "Literaturnaya qazeta"nın Azərbaycan üzrə xüsusi müxbiri və APN (RİA Novosti) agentliyinin Azərbaycan şöbəsinin müdiri vəzifələrində işləyib. Onun ssenariləri əsasında bir sıra sənədli, həmçinin tammetrajlı bədii-publisistik filmlər çəkilib.

Mərhum bu gün Bakıda valideynlərinin məzarı yanında dəfn ounacaq.

Allah rəhmət eləsin!