İTV-nin “Səhər proqramları” departamentinə direktor vəzifəsinə təyinat olub

Bölmə: MEDİA › ,
Tarix: 11:05 04.02.2016

İTV-nin “Səhər proqramları” departamentinə direktor vəzifəsinə təyinat olub İctimai Televiziya və Radio Yayımları Şirkətində yeni təyinat olub. Elnur Kələntərli İTV-nin “Səhər proqramları” departamentinin direktoru təyin olunub.

İnformator.az xəbər verir ki, yeni təyinat baş direktor Cəmil Quliyevin təqdimatına əsasən Yayım Şurası keçirilən iclasında təsdiqlənib. Qeyd edək ki, E. Kələntərli 1997-ci ildən 2004-cü ilədək “Space” kanalında çalışıb. Bakı-Ceyhan neft kəməri haqqında “Neft Odisseyası” filminin müəllifidir. 2002-ci ildə "Bizim Olimpiyaçılar" adlı üç hissəli sənədli televiziya filminin prodüseri kimi "Humay" Milli mükafatının laureatı olub. Azərbaycan Respublikası Milli Olimpiya Komitəsinin "Olimpiya Himni"nin ideya müəllifi və yaradıcı qrupunun rəhbəri olub. Əmək və Əhalinin Sosial Müdafiəsi mətbuat katibi, İctimaiyyətlə əlaqələr sektorunun müdiri, Aparat rəhbərinin müavini və Aparat rəhbəri vəzifələrində çalışıb. Birinci Avropa Oyunlarında Cüdo yarışlarının direktoru vəzifəsində işləyib.

Azərbaycan Memarlıq və İnşaat Universiteti, Azərbaycan Dövlət İqtisad Universiteti və Azərbaycan Respublikasının Prezidenti yanında Dövlət İdarəçilik Akademiyasının magistraturasını bitirib.