İsrail Qəzzanın 75%-ni işğal etməyi hədəfləyir

Bölmə: Siyasət › ,
Tarix: 21:21 26.05.2025

 

Bu plana görə, 2 ay ərzində Qəzza ərazisinin 75 faizini işğal etmək hədəflənir. Məqsəd işğal olunmuş ərazilərdən zorla köçürülən fələstinliləri Qəzzada üç ayrı kiçik bölgəyə sıxışdırmaqdır.

 

Qəzzanın cənubundakı fələstinlilər Xan Yunisin qərbindəki əl-Məvasiyə, mərkəzi hissədə olanlar Deyr əl-Bələh və Nusayrat yaxınlığındakı təyin olunmuş əraziyə, şimalda olanlar isə Qəzza şəhərindəki dar ərazilərə deportasiya ediləcək.

 

Bu işğal planına uyğun olaraq, 2,3 milyon fələstinli Qəzzanın təxminən 365 kvadrat kilometr ərazisinin yalnız 25 faizini əhatə edən üç ayrı dar zonaya sıxışdırılacaq.

 

İsrail ordusu iki ay ərzində Qəzzanın 75 faizini işğal etməyi planlaşdırsa da, hazırda ərazinin 80 faizindən çoxu işğal altındadır və ya fələstinlilərin məcburi köçkünlüyünə səbəb olan “evakuasiya əmrləri” altındadır.

 

Birləşmiş Millətlər Təşkilatının ötən həftə verdiyi açıqlamaya görə, İsrailin işğalı altında olan və ya fələstinliləri Qəzzanı tərk etməyə məcbur edən “evakuasiya əmrləri” altında olan ərazilərin nisbəti torpaqların 81 faizinə bərabərdir.

 

Mənbə:Haber global
Mahmudlu Ləman